Në Maqedoninë e Veriut numri i personave të prekur nga kronavirusi ka shkuar në 12 vetë.
Ministri i Shëndetësisë, Venko Filipçe tha se rastet e reja të të infektuarve (katër) janë transferuar në Qendrën për Sëmundje Infektive. Për shkak të gjendjes së krijuar, Qeveria e Maqedonisë së Veriut shpalli gjendje krize në komunat Dibër dhe Qendra e Zhupës, ku do të ketë lëvizje të kufizuar e banorëve. Ministri i Shëndetësisë po ashtu tha se është përkeqësuar gjendja shëndetësore e pacientes së parë nga Dibra, e cila mund edhe të intubohet. Ndërkohë autoritetet bëjnë thirrje për respektimin e përpiktë të masave kundër virusit si qëndrimi në shtëpi, larja e shpeshtë e duarve, shmangia e hapësirave të mbyllura me shumë njerëz.
NDIQE LIVE "PANORAMA TV" © Panorama.al