Mbrëme në emisionin “Open” të Eni Vasilit, i ftuari i parë ishte Edi Rama. I pyetur për ndryshimet e reja në qeveri, dhe drejtpërdrejtë më punë e Fatmir Xhafajt, duke iu referuar ngjarjeve kriminale në Shkodër, Rama është shprehur se nuk është i kënaqur me punën ë e asnjërit, duke filluar nga vetja e tij, ndërsa nuk ka pranuar të flasë më shumë.
A jeni i kënaqur me punën e Xhafës:
Nuk jam i kënaqur me punën e asnjërit, duke filluar që nga vetja ime. S’jam i kënaqur me askënd. Unë nuk kënaqem asnjëherë…
Do bëni ndryshime në qeveri?
Kjo është për ne, për publikun është me rëndësi ekonomia…
Deri sa vjeç do rrini në politikë?
Me siguri, shumë më parë se të vij dita, që së largu të mund të mendohet se do bëhem si puna e këtij (i referohet Sali Berishës) … më vjen keq që e them!
Më parë, i pyetur nëse është dakord për vetingun e politikanëve të propozuar nga PD, Rama është shprehur se vetë ata nuk janë të qartë se çfarë kanë propozuar.
Duke iu drejtuar Berishës, Bashës, dhe Kryemadhit, Rama është shprehur me ironi: A mendoni se këta të tre do të ngrenë një institucion për të hetuar veten e tyre?!
Nëse vjen në takim Basha dhe thotë se është dakord që të bëhet veting edhe për familjarët e politikanëve, a do të votonit vetingun e politikanëve të propozuar prej opozitës?
“Se kur do vijë në takim e ka të qartë, tani nuk vjen se e pe me kë ishte rreth e rrotull? Ka të tjerë që këndojnë dhe i vënë nuska.. nuk vjen dot tani në takim”, ka thënë ai.
Nëse opozita e shton në projektin e vet hetimin e familjarëve, ju do ta votoni?
Kush do e bëjë?! Luli nuk e bën, Monika jo e jo, as ai gjyshi dixhital as nuk i shkon ndër mend ta bëjë.
Këtu ne po pastrojmë drejtësinë, dhe ajo që ndanë krimin nga politika është BKH-ja.
Sa i takon akuzave për lojërat e fatiti, po ju them me shifra: 40 kompani lojërash fati në kohën e këtyre, 37 mln dollarë në buxhetin e shtetit, 20 kompani sot, 54 mln në buxhetin e shtetit, nga fakti se ne kemi qenë më strikt.
Do ta votoni propozimin e PD për vetigun e politikanëve?
Cilin veting? Ata nuk dinë as vetë çfarë kërkojnë… Të vijë njëherë të vetingu që kemi bërë ne. Ka një veting për politikanët, për lidhjen me krimin, pasurinë e tyre dhe të rrethit familjarë. Njerëzve u intereson sa të ardhura të dala nga xhepat e tyre kanë marrë në zotërim në mënyrë të paligjshme.
Këta të tre do ngrejnë një strukturë për të hetuar veten e tyre? Nuk është çështja që nuk jam dakord por kjo është një farsë, nuk kuptohet se çfarë është. Veting i politikanëve janë duart… i ke të pastra apo nuk i ke?!
***
“Luli është artist, në kuptimin e mashtruesit, si ata që fusin dorën në kapele dhe nxjerrin zogun, kështu është ai”, u shpreh kryeministri.
“… A e dini ju që unë çdo dhuratë të dasmës që kalonin një vlerë simbolike i kam kthyer? Unë do isha vërtetë i lumtur sikur të hapeshin të gjitha librat e pasurive dhe të shpenzimeve të politikanëve ë të familjarëve dhe të krushqve të tyre. Të merreshin të gjitha shpenzimet e tyre të pushimeve dhe çdo gjë tjetër.
Të gjithë këta që janë këtu, publiku që na ndjek, nuk dëgjojnë që jetoj në saraje, që fluturoj me chartera, etj, por dëgjojnë që ime shoqe ka përfituar truallin ku është ndërtuar shtëpia në mënyrë abuzive. Unë e di shumë mirë të vërtetën, dhe çdo qindarkë që unë kam e kam në letra dhe jam gati ta vë në dispozicion, por kjo duhet të shkojë përtej shtëpisë sime”, u shpreh kryeministri duke i dhënë përgjigje për akuzat e PD lidhur me shpenzimet nga buxheti i shtetit për llogari të pushimeve të familjes së tij.
***
Jeni pro vetingut të propozuar nga PD?
Basha është artist…
Në ç’kuptim?
Është mashtrues, nga ata që fusin dorën në kapele dhe nxjerrin zogun… por nuk kam asgjë me të keq ndaj Lulit, këtë e them me të vërtetë.
Do ta votoni propozimin e PD për vetigun e politikanëve?
Cilin veting? Ata nuk dinë as vetë çfarë kërkojnë… Të vijë njëherë të vetingu që kemi bërë ne. Ka një veting për politikanët, për lidhjen me krimin, pasurinë e tyre dhe të rrethit familjarë. Njerëzve u intereson sa të ardhura të dala nga xhepat e tyre kanë marrë në zotërim në mënyrë të paligjshme.
Këta të tre do ngrejnë një strukturë për të hetuar veten e tyre? Nuk është çështja që nuk jam dakord por kjo është një farsë, nuk kuptohet se çfarë është. Veting i politikanëve janë duart… i ke të pastra apo nuk i ke?!
NDIQE LIVE "PANORAMA TV" © Panorama.al
