Kreu i PDK-së, Nard Ndoka ka ironizuar keq kryeministrin Edi Rama për lidhje me çështjen ‘Tahiri”.
Në një postimi në rrjetin social ‘facebook’ Ndoka shkruan se Edi Rama po kërkon prova dhe fakte për Saimir Tahirin, ndërsa sipas tij fakti është brenda. Me anë të animacioni ai përshkruan të gjithë situatën e ndodhur në lidhje me këtë çështje brenda PS.
Postimi i plotë:
Fakti është brenda!
Në kohën e Dullës, një familje oficerësh nga Tepelena jetonte në Shkodër. Burri kap gruan në flagrancë me sekretarin e partisë së lagjes. E padit në polici dhe paraqitet në gjykatë.
Gjykatësi e pyet: “Shoku Petrit, na trego rrethanat dhe provat”?
Petriti përgjigjet: “Shoku kryetar, shkova në shtëpi më herët se zakonisht dhe gjeta shokun Xhemal me gruan, në dhomën e gjumit, në krevat, të zhveshur..!
Gjyqtari pyet sërish: “Po mirë, po prova ku është, fakte dua, ku është fakti”?
Petriti mundohet të shpjegohet më qartë: “ishin lakuriq, shoku kryetar, shoku Xhemal ishte sipër”..!
Gjyqtari nuk bindej dhe këmbëngulte akoma: “Prova, fakti ku është”?!
Petriti: “Fakti ishte brenda shoku kryetar”!?
Morali: Edhe Rama, po kërkon prova e fakte për Sajen!
Faktin e ke brenda, shoku Edi!
