Dy persona janë arrestuar për rezistencë ndaj uniformave të policisë, vjedhje dhe gjatë një operacioni ndjekjeje kanë shkaktuar plagosjen e katër policëve.
Mediat italiane bëjnë me dije se janë dy shqiptarë që janë venë në pranga në Pistoia të Italisë pasi nuk kanë pranuar të ndalonin kur u është kërkuar nga policia për të bërë një kontroll.
Për këtë arsye karabinierët kanë nisur ndjekjen që i ngjante një serial filmi. Shqiptarët i dhanë më shumë gaz makinës me të cilën po udhëtonin e cila rezultonte e vjedhur, 17 majin e kaluar.
Gjatë ndjekjes ata janë përplasur me dy automjete të policisë rrugore.
Makina e tyre përfundoi në një kanal ndërsa 4 policë u plagosën. Pas aksidentit, shqiptarët u përpoqën të iknin me këmbë por u neutralizuan pak momente më vonë.
Dy të arrestuarit janë: 36-vjeçari A.P, i njohur për policinë italiane si dhe 24-vjeçari J.J.
Burimi: Lanazione.it
NDIQE LIVE "PANORAMA TV" © Panorama.al