UPDATE/ Homazhe për nder të aktorit të humorit Met Bega, ndarë nga jeta një ditë më parë, pas vuajtjes për një kohë të gjatë nga sëmundja e Parkinsonit.
Miq, të afër,kolegë e njerëz të tjerë, dashamirës të artit të tij kanë zhvilluar sot homazhe.
Kandidati i PD për Bashkinë e Tiranës, Halim Kosova, pas homazheve tha se Bega ka lënë pas veprën e tij të vyer: “Artistët sot kanë humbur njeriun më të dashur, talentin. Që ka lënë emër dhe vepër…”.
Ministrja e Kulturës, Mirela Kumbaro ka deklaruar pas homazheve në një prononcim për median se ‘përcillet sot njeriu me buzëqeshjen në sy e zemër’.
Bega ndërroi jetë në moshën 69-vjeçare. Ai njihet për një karrierë të gjatë jo vetëm në Estradën e Tiranës, por edhe në kinematografi. Filmi në të cilin ai debutoi për herë të parë ishte në vitin 1986, me “Dy herë mat”.
Filmat ku aktori Met Bega ka marrë pjesë:
1989 – Edhe ashtu edhe kështu
1988 – Stolat në park
1987 – Tela për violinë
1986 – Dy herë mat
