E moshuara që vdiq mbrëmë në Spitalin Infektiv, shkoi në gjendje të rëndë, aty mjekët zbuluan…

| 10:05
SHPËRNDAJE

Një e moshuar u bë viktima e shtatë mbrëmjen e djeshme, e prekur nga koronavirusi në Shqipëri.

Infektivi-Koronavirusi-ambulanca1

Bëhet fjalë për një 85 vjeçare, e cila kishte mbërritur po dje në spital, në gjendje të rëndë shëndetësore.

Aty u zbulua edhe se ajo ishte e prekur nga COVID-19.

“E moshuara vuante nga disa sëmundje kronike dhe u konfirmua me COVID-19 në spitalin Infektiv”, sqaron Ministria e Shëndetësisë.

Deklarata e plotë:

Ndërron jetë në spitalin infektiv pacientja 85-vjeçare, viktima e 7 e COVID-19 në Shqipëri

Gjatë mbrëmjes së sotme ndërroi jetë një paciente 85-vjeçare nga Tirana,  e cila ka mbërritur gjatë pasdites në spitalin infektiv, në gjendje të rëndë. Pavarësisht përpjekjeve të stafit mjekësor për disa orë, 85-vjeçarja nuk arriti të mbijetojë. E moshuara vuante nga disa sëmundje kronike dhe u konfirmua me COVID-19 në spitalin Infektiv.

85-vjeçarja është viktima e shtatë e prekur nga COVID-19 në Shqipëri.

Ministria e Shëndetësisë i shpreh ngushëllimet familjes së të ndjerës dhe i bën thirrje dhe një herë qytetarëve të jenë shumë të kujdesshëm në rast të shfaqjes së shenjave të sëmundjes dhe të telefonojnë menjëherë urgjencën kombëtare në numrin 127!

Te lidhura

Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/

S'KA KOMENTE

PËRGJIGJU