Safet Bajri, i “forti” i Shkodres dhe nder me te kerkuarit per llogari te drejtesise belge pritet te njihet me vendimin e dhënë në Belgjikë, vend ku akuzohet si kreu i një organizate kriminale.
Shkodrani akuzohet për trafik droge e prostitucion nga autoritetet belge. Për këto akuza ai është dënuar nga Apeli në Bruksel me 9 vite burgim.
Burime për “BalkanWeb” bëjnë me dije se Bajrit i janë sekuestruar një sërë pronash në Shqipëri.
Nderkohe “Panorama” shkruan sot se kumbari shqiptar, i liruar gabimisht nga gjykata belge”, ky ishte titulli i një artikulli të publikuar në korrik të një viti më parë. E përditshmja belge “dhnet.be” raportonte se si Safet Bajri u deportua në Shqipëri për shkak të një gabimi teknik të gjykatës belge.
“Gabimi qëndron në faktin se Apeli e dënoi me 9 vite burg, por nuk urdhëroi arrestimin e tij, por deportimin në Shqipëri dhe të gjitha shpenzimet e udhëtimit u paguan nga Belgjika”, raportonte media belge asokohe, duke shtuar se pas deportimit, Bajri shijonte lirinë në fshatin Dobraç të Shkodrës.
Por, tashmë autoritet belge janë vënë sërish në ndjekje të tij. Më 1 maj të vitit 2015, kryetari i Bashkisë së Brukselit, Yvan Mayer, përgëzoi aksionin e Policisë që çoi në arrestimin e Bajrit dhe çmontimin e organizatës së tij kriminale, duke e cilësuar Safet Bajrin si “Godfather-in” (Kumbarin) e ri.
NDIQE LIVE "PANORAMA TV" © Panorama.al
