Ndarja nga jeta e Xhevdet Ferrit, Presidenti Meta: Një prej personaliteteve më të shquar të filmave shqiptarë. La pas një trashëgimi të vyer në kinematografi

| 19:08
SHPËRNDAJE

Presidenti Ilir Meta i ka shprehur ngushëllimet  e tij familjarëve të aktorit të njohur Xhavdet Ferri, i cili u nda sot nga jeta, në moshën 59-vjeçare.

Në facebook, Presidenti Meta shkruan se Ferri është një prej personaliteteve më të shquar të kinematografisë dhe filmave shqiptarë, ndërsa shton se Mjeshtri i Madh i Filmit do të mbahet mend përherë për rolet dhe personazhet karakteristike.

metaopen

Postimi i plotë:

Me hidhërim të thellë mësova lajmin e trishtë të ndarjes nga jeta të aktorit të mirënjohur dhe një prej personaliteteve më të shquar të kinematografisë dhe filmave shqiptarë më të dashur për ne, Xhevdet Ferri.

Si për të gjithë artdashësit dhe simpatizantët e Tij të shumtë, kjo humbje e parakohshme dhe e pazëvendësueshme më ka prekur thellë.

Mjeshtri i Madh i filmit, por edhe i teatrit, Xhevdet Ferri do të mbahet mend përherë për rolet dhe personazhet karakteristike, të luajtura me aq talent dhe mjeshtëri të rrallë, për të cilat meritoi të gjithë respektin, vlerësimet dhe simpatinë, nga shumë breza, duke na lënë pas një trashëgimi të vyer në kinematografi.

Duke ndarë dhimbjen e thellë për humbjen e këtij artisti të madh, i përcjell ngushëllimet më të sinqerta familjes, të afërmve dhe gjithë bashkëpunëtorëve.

Kujtimi i Tij do të mbetet i paharruar!

Te lidhura

Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/

S'KA KOMENTE

Comments are closed.