Kryedemokrati Lulzim Basha ka shprehur mesazh ngushëllimi për ndarjen nga jeta të dramaturgut dhe shkrimtarit Fadil Kraja.
Me anë të një postimi në Tëitter, Basha shkruan se kjo është një ditë e trishtë për artin në Shkodër dhe në të gjithë Shqipërinë.
Kreu i PD thotë se Fadil Kraja do të lërë gjurmë të përjetshme në kulturën shqiptare.
“Ndarja nga jeta e ‘Mjeshtrit të Madh’ Fadil Kraja, na hidhëron të gjithëve, duke e bërë të sotshmen një ditë të trishtë për artin, Shkodrën, Shqipërinë. Kalimi i tij në amshim ndërpret një jetë të pasur e krijuese, që do të lërë një gjurmë të përjetshme në kulturën shqiptare. Ngushëllime të sinqerta familjes, miqve dhe kolegëve! U prehtë në paqe” – shkruan Basha.
Fadil Kraja mësohet të ketë ndërruar jetë për shkak të një problemi shëndetësor. Artisti shkodran mban nën emrin e tij një sërë veprash ku mes të cilave 23 drama, 3 vëllime poetike, 3 vëllime me tregime dhe 3 romane.
NDIQE LIVE "PANORAMA TV" © Panorama.al