Demi Lovato dhe Max Erich i dhanë fund marrëdhënies së tyre vetëm pesë muaj pas fejesës, por çifti vazhdon ende të jetë në qendër të vëmendjes.
Edhe pse gjithmonë ka qenë e rezervuar për jetën private, Demi zgjodhi që gjatë “People’s Choice Award” të listonte ngjarjet që i ndodhën në vitin 2020, përfshirë edhe atë me ish-partnerin e saj, raporton “Elle”.
“Sinqerisht, ky vit ka qenë si tre vite të jetës time. Në fakt, fillimi ka qenë fantastik. Unë interpretova në ‘Grammy’ dhe këndova himnin kombëtar në ‘Super Bowl’, por më pas ndodhi pandemia: Gjithçka u mbyll.
Unë u fejova, fillova të pikturoj, të merrem me fotografi dhe të meditoj. Pashë shtatë sezonet e ‘Pretty Little Liars’ pa ndërprerje, u ndava dhe më pas, fillova të kërkoj për alienë në shkretëtirë. Pra, gjëra që i bëjmë të gjithë”,- ishin fjalët që këngëtarja tha.
Duket se ky fjalim nuk i ka pëlqyer aspak ish të fejuarit të saj, i cili ka zgjedhur të reagojë duke komentuar në një nga fotot e Demi-t në Instagram, në të cilën këngëtarja shfaqte look-un e ri me flokë të prera shkurt.
“Ndalo së foluri për mua në shfaqje çmimesh. Faleminderit. Shfrytëzimi i ndarjes sonë për vëmendje nuk është diçka e mirë”- shkroi aktori.
NDIQE LIVE "PANORAMA TV" © Panorama.al