Disa fëmijë shqiptarë kanë mbetur në kampin Al Hol në Siri, të cilët jetojnë në kushte tejet të këqija nëpër çadra.
“Kushte aty janë tmerrësisht keq, s’ka ujë, kushte higjienike, mund të ndodhen 2 ose 3 vrasje në ditë, unë kam gjetur prsh ditën që shkova një çantë bombë të lyer me gjak, ku thuhej na prisni po vijmë, përditë vriteshin ushtarë. Është e tmerrshme, dhe të mendosh këto nëna që duhet të mbrohen përditë. Aty janë rreth 80 mijë gra e fëmijë. Janë ndarë në dy seksione, seksioni i të huajve që janë të radikalizuarit”, thotë gazetari Julian Kasapi në “Open”.
“Shqiptarët jetojnë bashkë, shumica janë fëmijë. Askush nuk i mbron, mbrojnë njëri-tjetrin”, tha ai.
Ndërkohë Kasapi lexoi një mesazh nga njëra prej nënave:
“Shteti e di shumë mirë është në gjendje të gjendjes sonë, çfarë kërcënimi pati Kosova që mori gra e fëmijë, ata sot ndodhen në vendin e tyre, jo askund ,nuk i terrorizon askush, pse nuk bëhet diçka për ne”.
NDIQE LIVE "PANORAMA TV" © Panorama.al