Kryetari i Partisë Demokratike, Lulzim Basha, bëri përgjegjës kryeministrin Edi Rama për mosçeljen e negociatave ndaj Shqipërisë nga Bashkimi Europian.
Pas takimit që pati me ambasadoren e BE-së në Shqipëri, Romama Vlahutin, Basha tha se Rama refuzon të shkarkojë katër ministra të korruptuar (Beqajn, Ahmetajn, Gjiknurin dhe Tahirin).
“Përgjegjësia për moshapjen e negociatave është e një kryeministri të korruptuar që sot refuzon të largojë ministrin e drejtësisë, Damian Gjiknurin, Arben Ahmetajn, ku vetëm këmba poshtë derës tregon për 10 milion lekë në ditë për tenderin e landfillit të Elbasanit…”,-deklaroi Basha.
Kreu i PD-së bëri përgjegjës kryeministrin Rama për mosgjetjen e konsensusit për procesin e dekriminalizimit.
“Përgjegjësia për moshapjen e negociatave është e njeriut e cili edhe sot e kësaj dite zvarrit konsensusin për ligjin për dekriminalizimin duke u bërë mburojë e njerëzve që vetë emëroi në parlament, individë më rekorde krimilane, vrasës, të cilët sot i mbron duke moszbatuar marrëveshjen e firmosur një vit më parë me ndërmjetësimin e BE”,-tha ai.
NDIQE LIVE "PANORAMA TV" © Panorama.al