Ka pasur informacione se Marsida Qatja do të udhëtonte jashtë vendit, e për këtë arsye, Prokuroria e cila e ka marrë në hetim, i ka hequr pasaportën 30 vjecares.
Marsida e ka pasur ritual udhëtimin një herë në muaj në Gjermani, aty ku takonte bashkëshortin e saj që ndodhet në burg.
Por tashmë ndaj saj është regjistruar procedim penal pas vrasjes që ndodhi në banesën e saj dhe ka kërkuar detyrim paraqitje. Edhe gjykata vendosi detyrim paraqitje masë sigurie ndaj Marsidës në seancën e sotme gjyqësore. Ajo akuzohet per pershtatje te ambienteve per perdorim droge.
Gjithashtu në Prokurori Qatjas i është kërkuar të mos flasë më në media për ngjarjen pasi është person që ka dijeni dhe mund të rrezikojë hetimet.
Në banesën e Qatjas u vra Dritan Haxholli dhe u plagos Bledar Toci. Ky i fundit është shefi i sigurisë së brendshme pranë burgut të Durrësit dhe ndodhet në spital në gjendje të stabilizuar shëndetësore.
Policia ditën e krimit tha se ngjarje ka ndodhur për motive xhelozie. Por ndryshe nga deklarimet e saj para oficerëve, Qatja në media e mohoi të ketë pasur lidhje intime me Haxhollin.
NDIQE LIVE "PANORAMA TV" © Panorama.al
