Bukëpjekësi shqiptar në qytetin Zajeçar në Serbi, Marjan Dulaj pasi qëlloi me tre plumba ish-punonjësen e tij, tentoi që vriste dhe veten.
54-vjeçari qëlloi me një plumb në gjoks veten e tij në një agjenci imobilare, ndërsa ishte i rrethuar nga policia.
Marjan Dulaj (54 vjeçar), bukëpjekës shqiptar që punon në qytetin Zajeçar të Serbisë, ka qëlluar me armë në kokë punëtoren e tij (50 vjeçare), e pastaj ka tentuar të bëjë vetëvrasje.
Mediat serbe kanë publikuar momentet dramatike kur Dulaj qëllon veten e tij.
Video tregon momentet kur, shqiptari është lokalizuar dhe rrethuar nga forca të shumta policie.
Edhe pse policia i bëri disa herë thirrje për të hedhur armën dhe të dorëzohej, ai nuk bëri një gjë të tillë, por qëlloi veten.
Sipas informacioneve të Ministrisë së Brendshme serbe ngjarja ka ardhur për shkak të mosmarrëveshjeve që bukëpjekësi shqiptar kishte me ish-punonjësen serbe, e cila së fundmi kishte fituar dhe një vendim gjykate ndaj tij.
Danijela Matijeviç, 50 vjeç vdiq në vend, ndërsa 54-vjeçari shqiptar ndodhet në gjendje kritike për jetën në spital.
Ngjarja ka ndodhur sot rreth orës 11:00, në qytetin jugor të Serbisë.
