Një vajzë 15-vjeçare mbeti e vdekur pas shembjes së një ure në jug-perëndim të Francës.
Ngjarja ndodhi paraditen e të hënës. Sipas mediave të huaja, një makinë, një kamion dhe ndoshta një automjet i tretë përfunduan në lumë, thanë autoritetet lokale. Për fat të mirë në momentin që ura u shemb nuk kishte shumë qarkullim.
Deri tani katër persona janë shpëtuar, por ka frikë se mund të ketë të tjerë të zhdukur.
Ura që u shemb lidh qytetet Mirepoix-sur-Tarn dhe Bessieres, 18 milje në veri të qytetit të Toulouse, tha shërbimi i zjarrfikësve.
Sipas raporteve të mediave të huaja lokale, viktima, vetëm 15-vjeçe kishte qenë në një makinë me prindërit e saj në kohën e shembjes së urës.
