Këngëtari i njohur, Landi Hysi, ka qenë së fundmi i ftuar në emisionin “Mos i fol shoferit”, ku moderatorja Rudina Dembacaj e ka vënë në siklet menjëherë sapo ka hyrë në studio.
“Zhvishu tani”, i thotë Rudina, ndërsa Landi i kthehet: “Si të zhvishem?”. “Zhvishu direkt se s’kam nerva unë. Jo po kshu, jo po hajde të mendohemi njëherë”, i përgjigjet moderatorja.
“Jemi live apo është provë?”, pyet këngëtari, teksa Rudina i thotë: “Jo, është me regjistrim por kështu do të jepet”, duke e bërë kështu Landin që të heqë këmishën e të qëndrojë vetëm me bluzën me mëngë të shkurta.
“Po hë pra hë! Ej, të rrijë i mbuluar ky trup, a është gjynah?”, pyet Rudina duke qeshur teksa i drejtohet publikut.
