Teksa brenda sallës së gjyqit nuk reaguan, kur gjykata shpalli fajtorë dy mjekët për neglizhencën që shkaktoi vdekjen e gruas së portierit të Partizanit, Alban Hoxha, jashtë gjykatës nëna e viktimës ka shpërthyer në lot e ulërima.
Duke mos e mbajtur dot veten për dhimbjen e madhe që iu rikthye edhe në këtë proces të padrejtë sipas saj, ajo ka shpërthyer në ulërimë, duke akuzuar këtë radhë jo vetëm mjekët, por edhe gjykatësit, raporton “Panorama”.
“Kriminelë. U tallën me ty, të vranë për së dyti”- ulërinte mes lotësh nëna e viktimës.
Dy mjekët e akuzuar për “mjekim të pakujdesshëm” ndaj Hakës, bashkëshortes së futbollistit të Partizanit, Alban Hoxha, janë kirurgu Petrit Rexhepi dhe anestezistja Elona Burba.
Një ditë para seancës babai i Dorjana Hakës, lëshoi apel për drejtësi, duke kërkuar dënim shembullor për mjekët.
Por sot gjykata i shpalli fajtorë mjekët duke i dënuar me nga 400 mijë lekë gjobë.
NDIQE LIVE "PANORAMA TV" © Panorama.al
