Miss-it i heqin kurorën me dhunë, policia arreston shkaktaret e incidentit! Ja pamjet që po bëjnë xhiron e rrjetit

Apr 8, 2021 | 23:58
SHPËRNDAJE

Një incident ka ndodhur në kompeticionin e bukurisë “Mrs Sri Lanka” dhe ka shkaktuar një bujë të madhe në rrjet, raporton “BBC”.

miss sri lanka (1)

Pushpika De Silva fitoi titullin “Mrs Sri Lanka” në një ceremoni televizive të dielën dhe fituesja e vitit të kaluar, Caroline Jurie duhej ta kurorëzonte atë. Pasi i vendosi kurorën, Jurie u rikthye në skenë, mori mikrofonin dhe tha se nuk mund ta mbante titullin, sepse ishte e divorcuar.

Pas kësaj, Jurie tërhoqi në një mënyrë aspak të kujdesshme kurorën nga koka e De Silva-s dhe ia vendosi shoqërueses së parë.

Mrs. Sri Lanka është pjesë e konkursit të bukurisë “Mrs World” për gratë e martuara. Fitueset e titullit të secilit vend kalojnë në konkursin e përgjithshëm “Mrs World”.

Ekziston një rregull që ndalon gratë që janë martuar dhe janë divorcuar, kështu që unë po marr një hap tjetër dhe po e kaloj kurorën në vendin e dytë,” -i tha Jurie publikut.

Pasi ia hoqi kurorën me forcë, ajo ia vendosi shoqërueses së dytë, ndërsa De Silva la skenën duke qarë. Në një postim në Facebook, De Silva tha se ajo shkoi në spital për t’u trajtuar për dëmtime në kokë pas incidentit.

miss sri lanka (2)

Ka shumë nëna beqare si unë sot që vuajnë në Sri Lanka,“- tha ajo më vonë në një konferencë për shtyp. “Kjo kurorë u kushtohet atyre grave, atyre nënave beqare që vuajnë për të rritur fëmijët e tyre vetëm.

Ajo shtoi se do të merrte masa ligjore për mënyrën “e paarsyeshme dhe fyese” me të cilën u trajtua.

“BBC” njoftoi se policia në Sri Lanka arrestoi Caroline Jurie dhe modelen Chula Padmendra si pasojë e incidentit, me akuzat e lëndimit të thjeshtë dhe kauzës kriminale.

De Silva tani është ri-kurorëzuar, pasi u vërtetua se ajo nuk ishte e divorcuar (por e ndarë) dhe organizatorët e konkursit kanë thënë se presin që Jurie të kërkojë falje publike.

Organizatorja kryesore e konkursit, Chandimal Jayasinghe, tha për “BBC”:

Ne jemi të zhgënjyer. Ishte e turpshme se si Caroline Jurie u soll në skenë dhe organizata ‘Mrs World’ tashmë ka filluar një hetim mbi këtë çështje.”

Konkursi i bukurisë “Mrs Sri Lanka” është një konkurs i madh në vend. Gruaja e Kryeministrit ishte mes të ftuarve në ceremoni.

© Panorama.al

Te lidhura


Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/

 

S'KA KOMENTE

Comments are closed.