Minorenia: Biznesmeni më dha 1500 euro, m’u neverit kur hoqi këmishën

Jun 14, 2016 | 13:00
SHPËRNDAJE

Minorenia F.GJ, e punësuar si balerinë në një lokal tallava në Tiranë, por që shfrytëzohej edhe si prostitutë ka pranuar se pagesat që merret shkonin nga 500 deri në 1500 euro.

Ilustruese
Ilustruese

Në lidhje me punën e saj si balerinë në lokalin e tallavasë, e mitura F.Gj. në dëshminë siguruar nga “Panorama” ka shpjeguar se pronari i lokalit, i pandehuri Ilir Peraj, i ka thënë në dy raste që të shkonte me klientë me pagesë.

Ajo ka rrëfyer se në rastin e parë ishte një shok i Ilirit, i cili i ka premtuar 500 euro dhe një makinë në këmbim të marrëdhënieve seksuale me të. “Unë nuk pranova”, ka pohuar e dëmtuara.

Në rastin tjetër, sipas deklarimeve të minorenes, klienti ishte një shok i të pandehurit Peraj, pronar i një hoteli në Tiranë.

Në ditët që ky person shkonte te lokali me muzikë tallava i të pandehurit Peraj, ai e ka shtyrë të miturën që të kryente marrëdhënie seksuale me mikun e tij, duke i thënë “shko se është bingo e madhe”.

Shtetasja F.G. pranon dhe bashkë me personin në fjalë ka shkuar në hotel gjatë orëve të ditës. Sapo futet në dhomë, pronari i hotelit ka nxjerrë 1500 euro, të cilat e mitura i ka marrë dhe i ka futur në xhep.

Në momentin që biznesmeni po hiqte këmishën, shtetasja F. ka ndier neveri dhe nuk ka pranuar të kryejë marrëdhënie seksuale me të, duke i thënë se “më vjen keq, por nuk mund të kryej marrëdhënie seksuale me ty”, dhe i ka kthyer paratë.

Biznesmeni fillimisht ka insistuar me fjalë, por në vijim ai e ka dërguar minorenen te lokali i saj.

ARMAND BAJRAMI

NDIQE LIVE "PANORAMA TV" © Panorama.al

Te lidhura