Ministrja prezanton buxhetin e vitit 2020, Ahmetaj: Kemi 100 pyetje! Rishikoni rritjen ekonomike, BB ka parashikuar…

Nov 13, 2019 | 12:37
SHPËRNDAJE

5dcbdc7000fdadeno

Në mbledhjen e sotme, në Komisionin e Ekonomisë dhe Financave është bërë prezantimi nga Ministria e Financave për Buxhetin e vitit 2020, ku ministrja Anila Denaj deklaroi se rritja ekonomike e vitit të ardhshëm 2020 do të jetë 4.1% dhe do ndihmohet nga konsumi i brendshëm.

“Rritja ekonomike e vitit të ardhshëm do të jetë 4.1% dhe do ndihmohet nga konsumi i brendshëm. Synojmë të hapim 35 mijë vende pune. Investimet do të jenë në nivelin e 4.5% të Prodhimit të Brendshëm Bruto” ka thënë ministrja Denaj.

Por kreu i komisionit, Arben Ahmetaj i kërkoi ministrisë së Financave të rishikohet rritja ekonomike pasi sipas asaj që parashikon Banka Botërore rritja ekonomike e vendit tonë do të jetë më e ulët se vendet e rajonit dhe do mbyllet në nivelin e 2.9%.

Të ardhurat nga Bashkitë janë parashikuar në nivelin e 57 mld lekë ose 11% më shumë se viti 2019. Synojmë konsolidimin e të ardhurave të bashkive dhe ulje të detyrimeve të prapambetura. Rishikoni rritjen ekonomike të vitit 2019, pasi duhet që rritja ekonomike e 6 mujorit të parë të jetë 5% që viti të mbyllet në nivelin e 3 deri në 3.5%. Sipas parashikimeve te BB rritja ekonomisë së Shqiperisë do jetë më ulët se vendet e rajonit dhe do mbyllet në nivelin e 2.9%. Rishikoni nivelin e 4.1% për vitin 2020 pasi të dhënat e deritanishme nuk janë brenda pritshmërive. ka thënë Ahmetaj.

Investimet publike janë reduktuar. Nga 4.8% në 2018 në 4.7% në 2019. Është e pajustifikueshme parashikimi i investimeve për vitin e ardhshëm. Janë 100 pyetje për Ministrinë e Financave lidhur me buxhetin, të ardhurat, shpenzimet, investimet,borxhin apo pagat.

Të mos kursehet por të shkojë në pagesë së detyrimeve të prapambetura që janë 6.2 mld e duke ju referuar asaj që unë shoh në 2019. dhe asaj që ministria planifikon në 2020, ku investimet në transport rrugor janë ulur me 1.8 miliardë”.

5dcbdfd6a5185metaj

NDIQE LIVE "PANORAMA TV" © Panorama.al

Te lidhura