Ministria e Shëndetësisë publikon shifrat: Shënohen 547 raste të reja me COVID në 24 orët e fundit! Asnjë humbje jete

Aug 18, 2022 | 16:31
SHPËRNDAJE

Në 24 orët e fundit në vendin tonë janë shënuar 547 raste të reja me COVID nga 1661 testime të kryera në total. Ndërkohë nuk është regjistruar asnjë humbje jete.

infektivi-1024x536

Janë 3,748 qytetarë aktivë me Covid19 në të gjithë vendin. Aktualisht në spitalin COVID3 po marrin trajtim 24 pacientë. Janë shëruar 332 qytetarë gjatë 24 orëve të fundit, duke e çuar numrin e të shëruarve në 316,275 që nga fillimi i epidemisë.

Rastet pozitive janë identifikuar në këto bashki: 194 në Tiranë, 41 në Durrës, 31 në Fier, 23 në Vlorë, 19 në Sarandë, nga 17 qytetarë në Shkodër, Divjakë, 14 në Lushnje, nga 11 qytetarë në Krujë, Kamëz, nga 10 qytetarë në Kavajë, Korçë, Elbasan, nga 9 qytetarë në Mallakastër, Pogradec, nga 8 qytetarë në Malësi e Madhe, Lezhë, Gjirokastër, Berat, nga 7 qytetarë në Vorë, Himarë, Tepelenë, nga 6 qytetarë në Mirditë, Rrogozhinë, nga 5 qytetarë në Maliq, Kuçovë, nga 4 qytetarë në Selenicë, Përmet, nga 3 qytetarë në Pukë, Tropojë, Kurbin, Shijak, Dibër, Patos, Kolonjë, Poliçan, nga 2 qytetarë në Bulqizë, Këlcyrë, Devoll, nga 1 qytetar në Vau i Dejës, Mat, Roskovec, Delvinë, Libohovë, Skrapar, Cerrik, Gramsh.

“Nisur nga rritja e numrit të qytetarëve të prekur nga Covid19, Ministria e Shëndetësisë i bën sërish thirrje qytetarëve të mos neglizhojnë vaksinimin anticovid, posaçërisht në këtë periudhë të rritjes së kontakteve, për shkak të lëvizjeve përgjatë sezonit veror.

Çdo person mbi 12 vjeç, mund të vaksinohet në qendrat shëndetësore në të gjithë vendin. Gjithashtu MSHMS apelon të gjithë qytetarët e vaksinuar, që të drejtohen në qendrat shëndetësore, për t’u vaksinuar me dozën përforcuese.

Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet. Nëse keni shenja të sëmundjes apo keni patur kontakt me një person të prekur nga Covid19, izolohuni menjëherë dhe kontaktoni mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127”, thuhet në njoftimin e Ministrisë së Shëndetësisë.

Statistika (18 Gusht 2022)
Raste të reja ditore 547
Të shëruar në 24 orë 332
Të shtruar në spitale 24
Humbje jete në 24 orë 0
Testime ditore 1661

Testime totale 1,947,507
Raste pozitive 323,597
Raste të shëruara 316,275
Raste Aktive 3,748
Humbje jete 3,574

Shpërndarja gjeografike e rasteve aktive sipas qarqeve:

Tiranë 1,547
Fier 519
Durrës 342
Vlorë 329
Korçë 203
Elbasan 172
Shkodër 153
Gjirokastër 148
Lezhë 141
Berat 111
Dibër 63
Kukës 20

NDIQE LIVE "PANORAMA TV" © Panorama.al

Te lidhura