Presidenti i Malit të Zi, Milo Gjukanoviç ka deklaruar se projekti serbo-madh është ringjallur. Në një intervistë për televizionin austriak ORF, ai tha se ky projekt synon që Serbia të sigurojë një farë kompensimi për humbjen e Kosovës.
“Ky projekt aspiron të sigurojë disa kompensime për Serbinë për humbjen e Kosovës dhe natyrisht Mali i Zi është objektivi i parë i dëshiruar i nacionalizmit të Serbisë së Madhe. Unë mendoj se të gjithë e lexojmë po aq mirë, askush nuk është i painformuar”, tha në intervistë Gjykanoviç, raporton Vijesti.
Gjukanoviç është pyetur rreth flamujve të shumtë serbë që u përdoren në festimet gjatë natës së zgjedhjeve dhe ndikimit të rezultateve zgjedhore në raportet midis Serbisë dhe Malit të Zi.
“Këtë ikonografi që e përmendët në natën e zgjedhjeve dhe pas saj, besoj se i befason vetëm ata që nuk janë në rrjedhë me Ballkanin. Secili që ka pasur pak kohë të përcjellë se çfarë po ndodh në Ballkan, është dashur ta presë një gjë të tillë. Ne prej vitesh jemi duke i paralajmëruar partnerët tanë evropianë, euro-atlantikë dhe opinionin në tërësi se jo vetëm në Mal të Zi, madje guxoj të them më së paku në Mal të Zi, po përballen dy vizione të së ardhmes. Një nga këto është vizioni i mbështetur nga Mali i Zi, ai i së ardhmes evropiane të Ballkanit”, ka thënë Gjukanoviç.
Presidenti i Malit të Zi tha se do të respektojë vullnetin e qytetarëve. “Ne do ta respektojmë atë dhe ne do të luftojmë për politikën tonë po aq me pasion edhe në opozitë.”
NDIQE LIVE "PANORAMA TV" © Panorama.al
