Presidenti Ilir Meta ka vizituar sot një nga fermat ku kultivohen mjedra në vend, dhe sipas tij ato janë më të mirat në botë.
Meta me anë të disa fotove të shpërndara në Facebook, shkruan se ferma ndodhet në Brezovicë, dhe zhvillimi i saj ka ardhur falë mbështetjes së kreut të komunës.
Postimi i plotë
Mirëmëngjes të dashur miq! Kënaqësi të vizitoja fermat ku kultivohen mjedrat më të mira në botë, në komunën e Shterpcës (Brezovicë) dhe një investim bashkëkohor të përpunimit dhe ruajtjes së frutave të pyllit. Vizioni i Bratislavit, Kryetarit të komunës mbështetur tek shpirti punëtor i këtij komuniteti të shkëlqyer ka sjellë ndryshime tepër shpresëdhënëse, duke hapur vende të reja pune dhe të ardhura më të mira për banorët dhe komunën. Shterpca është një komunë model, ku bashkëjetesa midis serbëve e shqiptarëve është e admirueshme dhe solide.
