Kryetari i Kuvendit, Ilir Meta i ka dërguar një letër falënderimi presidentit të Komisionit të Venecias, Gianni Buquicchio për angazhimin e institucionit që drejton për reformën në drejtësisë në Shqipëri. Meta shprehet në letër se rekomandimet e Komisionit të Venecias do të jenë udhërrëfyes për ndryshimet kushtetuese dhe ligjet në drejtësi.
“Më lejoni t’Ju shpreh mirënjohjen time të thellë për bashkëpunimin e deritanishëm të Kuvendit të Shqipërisë me Komisionin e Venecias për Reformën e Sistemit të Drejtësisë në Shqipëri”, shprehet Meta.
Duke vlerësuar gatishmërinë e Komisionit të Venecias për të dhënë ndihmën e tij për Shqipërisë, Meta thekson se reforma në drejtësi do të jetë cilësore dhe që do t’u përgjigjet nevojës që ka shoqëria shqiptare për reformimin e sistemit të drejtësisë.
NDIQE LIVE "PANORAMA TV" © Panorama.al