Ministrja Elisa Spiropali, tha se Presidenti Meta iu kundërvu Reformës në Drejtësi dhe Shteteve të Bashkuara e Bashkimit Europian, pas dekretimit të Marsida Xhaferllarit, si gjyqtare të Gjykatës Kushtetuese.
Me një shënim në facebook, Spiropali shkruan se konsideron veprimin e Presidentit kudnërvënie brutale “ndaj prioritetit themelor të vendit, drejtësisë”.
Postimi i plotë:
Edhe njëherë Ilir Meta iu kundërvu Reformës në Drejtësi dhe Shteteve të Bashkuara e Bashkimit Europian, duke dekretuar kundër ligjit dhe kundër qëndrimit të tyre, me zero legjitimitet kushtetues e ligjor, një gjykatëse mbrapa liste.
Edhe njëherë kundërvënia brutale e Ilir Metës ndaj prioritetit themelor të vendit, drejtësisë, na bën të ndjehemi keq për Presidentin e Republikës. Edhe njëherë, Ilir Meta dha një shembull spektakolar për ta kuptuar kush ende nuk e ka kuptuar, se Reforma në Drejtësi ndan thellë e qartë shumicën qeverisëse dhe parlamentin e vendit, nga fronti i atyre që me në krye Ilir Metën, i bashkon kundër nesh Frika nga Drejtesia.
NDIQE LIVE "PANORAMA TV" © Panorama.al
