Mesut Ozil është bërë baba për herë të parë. Bashkëshortja e yllit të Arsenal, Amine solli në jetë një vajzë të pagëzuar me emrin Eda.
Ish-Missi i Turqisë lindi një vogëlushe të shëndetshme.
Lajmi u konfirmua nga futbollisti në mediat sociale ku shkroi: “Falë Zotit vajza jonë Eda lindi e shëndetshme.”
Postimin e shoqëroi me një foto ku shihet duke puthur bashkëshorten në ballë ndërsa të dy mbajnë vajzën në krahë.
Ozil aktualisht është i izoluar së bashku me pjesën tjetër të vendit për shkak të koronavirusit.
Por ardhja në jetë e fëmijës së parë duket se i ka sjellë lumturi të pamasë futbollistit në këtë periudhë të vështirë.
Nuk dihet ende kur ka lindur vajza, pasi Mesut nuk dha detaje të mëtejshme.
NDIQE LIVE "PANORAMA TV" © Panorama.al
