Sindikatat e Arsimit kanë reaguar ndaj Qeverisë dhe kanë kërkuar shpërblimet e fundvitit. Ata kanë paralajmëruar qeverinë se do ndërpresin mësimin në muajin Janar nëse nuk marrin pagesën që u takon.
Reagimi i tyre vjen pas publikimit të kategorive që përfitojnë shpërblim për fundvitin.
Kryeministri Edi Rama bëri me dije sot se do të përfitojnë 40 mijë lekë të reja vetëm mësuesit e dalluar. Ka qenë ky dallim dhe kjo ndarje që ka nxitur revoltën e sindikatave, të cilët paralajmërojnë:
“Do ndërpresim mësimin në janar, nëse nuk marrim shpërblimin vjetor. Duam shpërblim për të gjithë mësuesit”.
Sipas tyre, e drejta e shpërblimit të mësuesve është një e drejtë e fituar prej 16 vitesh.
“Shpërblimi vjetor jo më pak se 10 mijë lekë, kjo është një e drejtë e fituar prej 16 vitesh. Paratë janë të garantuara në buxhetin e MAS. Nuk tërhiqemi nga kërkesat, do përshkallëzojmë lëvizjen sindikale. Shpërblimi nuk merret prej 2 vitesh, kërkojmë fundin e një absurditeti. Ndihemi të diskriminuar për këtë ndarje”.
NDIQE LIVE "PANORAMA TV" © Panorama.al