Ministrja e Arsimit, Lindita Nikolla ka reaguar nga Bulqiza lidhur me ngjarjen e ndodhur në shkollën “Orzhanov” në Ostren.
Mësuesi i kësaj shkolle Agim Muça, 63 vjeç, ushtroi dhunë ndaj disa nxënësve të mitur në gjendje të dehur.
Një vajzë e klasës së tretë është dërguar në spital me plagë në kokë.
Nikolla është shprehur se, “ngjarja është shumë e rëndë dhe nuk duhet të përsëritet” duke shtuar se ajo që ka ndodhur është “e pafalshme për arsimtarët shqiptarë”.
Ministrja e Arsimit ka ftuar që të denoncohen raste të tilla pasi kjo nuk duhet të ndodhi në asnjë shkollë.
Këtë deklaratë, Nikolla e bëri gjatë një vizite në zyrën arsimore në Bulqizë pas kësaj ngjarje.
Nikolla bëri me dije se vajza e goditur ka dalë nga spitali, por ndodhet në gjendje të tronditur.
NDIQE LIVE "PANORAMA TV" © Panorama.al