Mesazhi i Piro Manit për Gaqo Çakon: S’ka vdekje që mund të të marrë ty, më fal miku im që …

SHPËRNDAJE

Në pamundesi per ta percjelle mikun e ngushte, artistin virtuoz te operas dhe muzikes shqiptare Gaqo Çakon drejt baneses se fundit, regjisori i madh Piro Mani ka derguar nje mesazh prekes per ndarjen e tij nga jeta, prej Amerikes, atje ku jeton tashme prej shume vitesh.

piro mani

“Nuk ka vdekje që mund të të marë ty, Gaqo! Më fal, miku im, që nuk jam aty të të përcjell tek nisesh që t’i bashkohesh përsëri korit të ëngjëjve”- shkruan Piro Mani, ne nje leter derguar ne “Panorama”. 

Mesazhi i Piro Manit

U shfaqe mbi këtë dhé, si i ardhur nga kori i ëngjëjve

Ca fjalë zemre në përcjellje, Gaqo Çakos

Ky lajm i hidhur i ikjes tënde na pikëlloi fort, i shtrenjti miku im, Gaqo. Ti i pikëllove pa masë tërë shqiptarët që u rritën me këngën tënde, me zërin tënd të kthjellët, me timbrin qiellor që dukej vërtet një dhuratë e ëngjëjve.

Ikja jote është e hidhur për tërë shqiptarët, kudo që ata ndodhen Gaqo. Por mes tyre, më përfytyro mua, shokun tënd të Liceut Artistik, bashkëstudentin e Moskës së largët, ku ti në ato vite, i mrekullove pedagogët e “Çajkovskit” e atij konservatorit të famshëm moskovit. Unë studjoja për regjinë e skenës, shkollat tona ishin pranë dhe qënia pranë me njëri-tjetrin na e bëri më të fortë miqësinë, ashtu sikurse sot ma bëri më të fortë pikëllimin. Pastaj ne nuk u ndamë edhe kur u kthyem në atdhe, unë në radhën e shfaqjeve të mia, kujtoj me mall edhe dy angazhimet operistike në Teatrin e Operas, ku ti ishe, ku tjetër veçse, në rolet kryesore.

Zëri yt Gaqo goditi malet e bukura të atdheut tonë të mahnitshëm, mbushi luginat dhe koriet, liqejtë, krojet, pllajat dhe fushat, edhe u bë njësh me to.

Është e natyrshme që njerëzit vijnë mbi këtë dhé, edhe natyrisht ikin. Por arti yt i veçantë dhe sidomos talenti dhe ngrohtësia e zërit tënd e fshijnë për ty fjalën ikje. Ti u mbetesh admiruesve të tu, ashtu siç i mbetesh familjes tënde të dashur, miqve të tu. Ti nuk u ikën dot atyre. Nuk ka vdekje që mund të të marë ty, Gaqo!

Më fal, miku im, që nuk jam aty të të përcjell tek nisesh që t’i bashkohesh përsëri korit të ëngjëjve

 

Piro Mani

Harrison, NY, ShBA

 

Te lidhura

 

Artikulli paraprakI kërkoi para të vizitonte djalin, burri nga Korça nxehet keq me gruan. Nis ta rrahë, por nuk mbaron me kaq
Artikulli tjetërTe Flamurtari nuk “ngopen”, vlonjatët edhe dy afrime në merkato

S'KA KOMENTE

Comments are closed.