Takimi midis lojtarëve të kombëtares gjermane dhe presidentit turk, Taip Erdogan, vazhdon të prodhojë polemika. Tani është prononcuar edhe kancelarja e shtetit gjerman, Angela Merkel. Ajo ka folur duke marrë shkas nga atmosfera jo e ngrohtë në ndeshjen miqësore ndaj Arabisë Saudite ditën e shtunë në Leverkusen.
Në këtë moment shpërthyen edhe vërshëllimat në drejtim të tij. Kjo nuk i pëlqeu aspak trajnerit Lëv që në ato momente vuri duart në kokë dhe i kërkoi publikut të duartrokisnin mesfushorin që luan në Angli për Mançester Sitin. “Mendoj që të dy lojtarët nuk e menduan përpara se të bënin takimin, që kjo do të kishte një reagim të tillë”, u shpreh Merkel në një emision tek ‘ARD”. Ajo është e bindur që lojtarët nuk donin të zhgënjenin tifozët gjermanë. “Unë mendoj që tani na nevojiten të gjithë lojtarët për të zhvilluar një turne pozitiv.
Ozil dhe Gyndogan janë pjesë e skuadrës dhe do të isha e gëzuar nëse tani do të vinin disa duartrokitje në drejtim të tyre”. Pyetjes nëse kancelaria kishte planifikuar një udhëtim në Rusi, ajo iu përgjigj: “Nuk do të ishte një ide e keqe, por kam detyrime në punën që bëj dhe ato kanë më përparësi në këto momente se futbolli. I uroj suksese kombëtares gjermane”, tha kancelaria, që në rast se shkon në Rusi për të ndjekur djemtë e Lëvit mund ta shfrytëzojë këtë udhëtim edhe për të biseduar për politikën.
NDIQE LIVE "PANORAMA TV" © Panorama.al