Merkato e kësaj vere ishte e nxehtë, me lëvizje të shumta që shpeshherë ishin edhe të papritura, dhe lanë me gojë hapur jo vetëm tifozët e futbollit, por edhe vetë klubet me njëra-tjetrën.
Ironia tashmë ka kaluar në rrjetet sociale, aty ku klubi i Marsejës, ka postuar një video ku prezanton ardhjen më të fundit nga Roma, mesfushorin Kevin Strotman, dhe shkruan: “Përshëndetje Roma. A jemi të mirë në prezantimin e futbollistëve? Hera e parë që e bëjmë, kështu që mos u tregoni shumë të ashpër me ne.”
Ndërkohë, Roma me shumë diplomaci, ia ka kaluar “topin” Interit, dhe klubit të Marsejës, i përgjigjet: “Të paktën jeni më mirë se videot e Interit.”,
Nuk ka vonuar as përgjigja e klubit zikaltër, ku ironizojnë me Romën, për futbollistin që për një moment nuk nënshkroi me kryeqytetasit, Malkolm, por në fund zgjodhi Barcelonën. “Jo, Roma është klubi më i mirë për këtë punë, na pëlqeu shumë video ku prezantonin Malkolm” – shkruan Interi, ndërkohë që për prezantimin e futbollistit, nuk ka asnjë video.
NDIQE LIVE "PANORAMA TV" © Panorama.al
