Ndërkohë që mbeten pikëpyetje pa fund për ngjarjen në Kumanovë, mbyllur me 22 viktima, mediat franceze i mëshojnë një skenari, sipas të cilit agjentët e presidentit francez Hollande dhe ish presidentit Sarkozy kanë qenë pjesë e konsultave me zyrtarët maqedonas për sa ndodhi.
Lajmin e ka publikur një portal francez Mediapart, e referuar këtij shkrimi, e perjavshmja maqedonase Fokus ka bërë kryeartikullin e radhës.
Sipas francezes Mediapart, Zherar Askinazi dhe te derguar te tjere nga “Azhans publik” nga Parisi janë njerëzit të cilët në mesin e shkurtit qëndruan në Maqedoni. Ata kane kontaktuar me zyrtare të pushtetit se si te mbulonin mediatikisht aksionin ushtarak në Kumanovë i cili ndodhi me 9 dhe 10 maj.
“Një javë pas operacionit të përgjakshem fundjavën e kaluar në Kumanovë mbeten shume pyetje. Në mesin e këtyre pyetjeve eshte edhe, cili eshte roli i këshilltarit francez Gerard Askinazi, i cili vizitoi vendin në shkurt dhe u takua me zyrtarët”- shkruan media franceze.