Moderatorja Fatma Methasani dhe shefi i kuzhinës, Alfio Rrotani, janë një ndër çiftet më të komentuar e të pëlqyer në showbiz-in shqiptar.
Ditën e djeshme ata ishin ftuar tek “Rudina”, ku folën për marrëdhënien mes të dyve, për të voglin Noah, si dhe për planet e së ardhmes.
Alfio zgjodhi që edhe në një vend të tillë, ta surprizonte partneren me një buqetë me trëndafila, në të cilën kishte vendosur edhe një letër dashurie, ku shkruhej:
“Zemra ime e vogël, e kuqe! Ti bën gjëra të mëdha me dashuri të madhe. Faleminderit për të gjithë lumturinë që më ke sjellë dhe lumturinë që vazhdon më jep çdo ditë! Me ty ndihemi të sigurt dhe të dashuruar! Të duam shumë, babi Alfio dhe Noah!”
Fatma, e cila u emocionua shumë, nuk i mbajti dot lotët.
Por, surpriza e Alfios nuk mbaroi këtu!
Ai kishte sjellë edhe byrek me spinaq dhe djathë, i cili ishte i preferuari i moderatores.
Sigurisht, tashmë për të dy kryefjala e ditës është djali i tyre, Noah, i cili erdhi në jetë në muajin janar të këtij viti.
NDIQE LIVE "PANORAMA TV" © Panorama.al