Rrëfehet Olcion Muça, efektivi i ushtrisë, në repartin e Poshnjes në Berat, i cili u arrestua, pasi tentoi të grabiste filialin e një banke në Lushnje rreth orës 16:30 të së martës. Përpara oficerëve të policisë ai ka pranuar krimin duke u justifikuar se kishte nevojë për para. I riu ka rrëfyer se kishte aplikuar për një overdraft page, në bankën që tentoi të grabiste, por kërkesa i ishte refuzuar.
Muça tha se kishte qenë në gjendje të vështirë psikologjike dhe se kishte konsumuar sasi të mëdha alkooli. Në këtë situatë ka shkuar në banesën e tij ku ka marrë një pistoletë të cilën e mbante pa leje dhe një maskë.
25-vjeçari tentoi të hynte në bankë, kur punonjësit po kryenin veprimet dhe klientët ishin larguar, por kur nuk hapi dot derën qëlloi 6 herë me armën e tij. Pas rënies së alarmit u largua, por policia e arrestoi në këtë rrugicë.
25-vjeçari jeton me qira në këtë pallat në lagjen “Xhevdet Nepravishta” të Lushnjës. Gruaja e tij nuk pranon të flasë në lidhje me ngjarjen.
Fqinjët thonë e njihnin pak Muçën, pasi jetonte vetëm prej pak kohësh në këtë pallat.
Mësohet se çifti i dy fëmijëve jetonte në kushte të vështira ekonomike për shkak se edhe bashkëshortja ishte e papunë./ TvKlan
Tentohet grabitja e bankës në Lushnje, policia ndërhynë në kohë dhe arreston autorin
Një bankë e nivelit të dytë në Lushnje është tentuar të grabitet ditën e sotme nga një person.
Situata e ka krijuar tension te personeli i bankës dhe te qytetarët që ndodheshin në ato momente në bankë.
Njoftimi i policise:
Lushnje
Ndërhyrja në kohë e policisë parandalon një ngjarje të rëndë kriminale.
Tentoi të vidhte një bankë të nivelit të dytë në qytet, policia ndjek dhe kap autorin.
Sekuestrohet arma e krimit, maska, kapuçi, 8 gëzhoja si edhe prova të tjera balistike.
Në datën 22.05.2018, rreth orës 16:00, në afërsi të Poliklinikës së qytetit Lushnje, është tentuar të vidhet një bankë të nivelit të dytë.
Autori ka hyrë në bankë i maskuar dhe me armë dhe ka qëlluar me armë.
Nga të shtënat nuk ka asnjë person të lënduar.
Shërbimet e Policisë me të marrë njoftim kanë reaguar në kohë reale ku falë veprimeve të shpejta të punonjësve të Patrullës së Përgjithshme u bë e mundur kapja gjatë ndjekjes dhe arrestimi në flagrancë i autorit i cili tentoi të largohej në brendësi të lagjeve, rreth 1 km nga vendi i ngjarjes.
U arrestua në flagrancë shtetasi Olcion Muço, 25 vjeç, nga Berati.
Grupi hetimor sekuestroi në cilësinë e provës materiale armën me të cilën u tentua të vidhet banka, maska dhe 1 kapuç.
Gjithashtu në vendngjarje u sekutruan 8 gëzhoja pistolete TT të cilat dyshohen se janë qitur nga pistoleta e autorit.
Grupi hetimor po punon për dokumentimin e plotë të ngjarjes.
NDIQE LIVE "PANORAMA TV" © Panorama.al