Me pistoletë me silenciator, si u kap i riu me precedentë penalë. Policia kishte informacione se ai…

Jul 11, 2020 | 11:14
SHPËRNDAJE

Operacioni policor “Befasia” ka vene ne pranga sot nje 32-vjeçar me precedent penal në fushën e narkotikëve, i cili qarkullonte me armë zjarri.arma

Policia e Tiranes ka njoftuar sot se arrestimi i tij, eshte bere pas tri javë hetimesh, pasi informacioneve se ky shtetas në vendin e quajtur ” Qytet i nxënësve” po qarkullonte me biçikletë dhe mund të kishte me vete lëndë narkotike dhe armë zjarri, kanë zhvilluar operacionin policor “Befasia”.

“News 24” raporton se i arrestuari eshte shtetasi Klodjan Troci, nderkohe qe policia sakteson se atij në çantën që mbante në dorë, iu gjet një armë zjarri pistoletë me silenciator.

NJOFTIMI 

Sekuestrohen një armë zjarri pistoletë me silenciator dhe municion luftarak.

Në vijim të punës për parandalimin, evidentimin dhe goditjen e shpërndarjes së drogave të forta, shërbimet e Seksionit për Hetimin e Narkotikëve, pas një hetimi trijavor, kanë zhvilluar operacionin policor të koduar “Befasia”, si rezultat i të cilit u bë e mundur kapja dhe arrestimi në flagrancë i shtetasit K. T., 32 vjeç, banues në Tiranë, person me precedent penal në fushën e shpërndarjes së drogave të forta në doza të vogla.

Specialistët për Hetimin e Narkotikëve, pas informacioneve të marra në rrugë operative se një shtetas me precedent të mëparshëm penal vijonte të ushtronte aktivitetin kriminal në fushën e narktikëve, kryesisht në Kombinat dhe në zonën e Tiranës së Re, kanë regjistruar procedimin penal në Prokurorinë e Rrethit Gjyqësor Tiranë.

Pa tri javë hetimesh, nisur dhe nga informacioni i marrë se ky shtetas në vendin e quajtur ” Qytet i nxënësve” po qarkullonte me biçikletë dhe mund të kishte me vete lëndë narkotike dhe armë zjarri, kanë zhvilluar operacionin policor “Befasia”. Gjatë kontrollit, shtetasit K. T., në çantën që mbante në dorë, Policia i gjeti një armë zjarri pistoletë me silenciator.

Gjatë kontrollit në banesën e këtij shtetasi, Policia gjeti dhe sekuestori edhe një sasi fishekësh luftarak.

Materialet i referohen Prokurorisë së Rrethit Gjyqësor Tiranë, për hetime të mëtejshme, për veprën penale “Armëmbajtja pa leje”, për të cilën parashikohet dënimi me burgim deri në 7 vjet.

NDIQE LIVE "PANORAMA TV" © Panorama.al

Te lidhura