Aktorja e famshme shqiptare Eliza Dushku, ka bërë një rrëfim tronditës duke pranuar se edhe ajo ishte viktimë e abuzimit seksual nga njerëzit e fuqishëm të Hollivudit.
Ylli i aktrimit ka rrëfyer se kur ishte vetëm 12-vjeç ndërsa po xhironte filmin “True Lies”, ishte abuzuar seksualisht nga Joel Kramer, njëri nga koordinatoret kryesor të skenave të rrezikshme në Hollivud.
Ajo thotë se që nga ajo kohë ka luftuar me veten e saj duke u munduar ta gjej mënyrën dhe kohën për ta bërë publike këtë por nuk kishte mundur deri tani.
Edhe pse për këtë ngjarje të tmerrshme ajo u kishte treguar prindërve të saj, vëllait dhe dy miqve me të vjetër, asnjëri prej tyre nuk e kishte ndihmuar.
Ajo tani ka falënderuar kolegët e saj të Hollivudit të cilat kanë dalë me rrëfimet e tyre për abuzimet seksuale të bëra nga njerëzit më të fuqishëm të Hollivudit, pasi ia kanë lehtësuar edhe asaj që të tregoj për përjetimet e saj të tmerrshme të cilat edhe sot e kësaj dite i shkaktojnë ankthe.
Ajo ka rrëfyer se 25 vite më parë, Joel e kishte mashtruar duke e dërguar në një dhomë hoteli me premtimin e bërë prindërve të saj se do ta dërgonte për not në një pishinë.
Aty ai e kishte dhunuar seksualisht edhe pse ajo i kishte thënë të mos e bënte. Ajo tani i ka inkurajuar aktoret e reja që të flasin nëse dikush tenton të abuzoj me to dhe mos të bëjnë gabimin e saj.
Pjesë nga postimi i Elizës:
“Kur isha 12 vjeç, ndërsa xhiroja “True Lies”, u dhunova seksualisht nga Joel Kramer, një nga koordinatorët kryesor të Hollivudit.
Që atëherë, kam luftuar me mënyrën se si dhe kur ta zbuloj këtë, nëse do ta bëja ndonjëherë. Në atë kohë, unë ndava historinë me prindërit e mi, dy miq të dhe një nga vëllezërit e mi më të mëdhenj. Askush nuk dukej i gatshëm për t’u përballur me këtë subjekt tabu, as unë.
Unë u jam mirënjohës gratve dhe burrave që kanë treguar para meje në muajt e fundit historitë e tyre. Lista gjithnjë e në rritje e viktimave të abuzimit seksual dhe të ngacmimit që kanë folur me të vërtetat e tyre më në fund më kanë dhënë mundësinë të flas. Ajo ka qenë e papërshkrueshme, rraskapitëse.
Mbaj mend, në mënyrë të qartë 25 vjet më parë, se si Joel Kramer më bëri të ndihem e veçantë, se si ai ndërtoi metodikisht besimin tim dhe të prindërve të mi, për disa muaj më ushqente; pikërisht se si ai më hodhi në dhomën e tij të hotelit në Miami me një premtim për prindërit e mi se do të më merrte në pishinën e hotelit të ekuipazhit. Mbaj mend gjallërisht se si ai në mënyrë metodike fiku dritata e dhomës; se si ai ndezi kondicionerin, më vuri në një nga dy shtretërit e dhomës së hotelit, çfarë filmi i vendosi në televizor (Coneheads); se si ai u zhduk në banjë dhe u shfaq, i zhveshur, duke mbajtur vetëm një peshqir të vogël në dorë.
Mbaj mend atë që kam veshur (pantallonat e mia të preferuara të bardha të xhinsit, fatmirësisht, siguroheshin mjaftueshëm për mua që të vazhdoja). Mbaj mend se si ai më hodhi në krevat, dhe më mbuloi me trupin e tij gjigant që rrudhos, dhe më fshi.
Ai tha këto fjalë: “Ti nuk do flesh tani ëmbëlsirë, boll u shtire sikur po fle”, ndërsa ai e kur kishte ‘përfunduar’, ai më sugjeroi: “Unë mendoj se duhet të jemi të kujdesshëm …”, shkruan ndër të tjera aktorja.
NDIQE LIVE "PANORAMA TV" © Panorama.al
