Një varkë që por transportonte rreth 80 emigrantë u mbytur gjatë natës në lindje të ishullit Karpathos.
Autoritetet greke kanë nisur një operacion të madh kërkimi-shpëtimi pasi dhjetëra njerëz u zhdukën në det.
Roja bregdetare tha se 29 persona, të gjithë burra, ishin shpëtuar në juglindje të Karpathos, një ishull juglindor midis Rodos dhe Kretës.
Të mbijetuarit ishin nga Afganistani, Iraku dhe Irani. Ata u thanë autoriteteve se kishin qenë afërsisht 60 deri në 80 persona në bordin e anijes kur ajo u përmbyt, tha roja bregdetare.
Të shpëtuarit thanë se anija ishte nisur nga zona e Antalias për në Itali kur u përplas gjatë natës.
Dy anije patrullimi të rojes bregdetare, një anije e marinës greke, një helikopter i forcave ajrore dhe të paktën tre anije që lundronin aty pranë po marrin pjesë në operacionin e kërkim-shpëtimit, shtoi roja bregdetare.
“Mbrojtja e jetës së njerëzve është shqetësimi ynë i përditshëm dhe prioriteti absolut,” tha ministri Giannis Plakiotakis, duke shtuar se më shumë se 6.000 njerëz janë shpëtuar në 145 operacione kërkim-shpëtimi gjatë dy viteve të fundit.
Një video e publikuar nga autoritetet greke tregon dy persona duke u nxjerrë nga deti dhe duke u ngjitur në një helikopter gjatë operacionit të shpëtimit gjatë natës, dhe më pas duke ecur drejt një ambulance në pritje pasi ata ishin transportuar me helikopter në breg.
Rruga më e zakonshme detare për azilkërkuesit nga Lindja e Mesme, Azia dhe Afrika ka qenë nga Turqia në ishujt e afërt grekë.
Por autoritetet greke kanë shtuar patrullimet në Egje ndërsa Turqia po i deporton njerëzit pa i lejuar të aplikojnë për azil, ndaj shumë prej tyre tani janë duke u larguar nga ishujt grekë dhe po përpiqen të marrin rrugën më të gjatë dhe më të rrezikshme direkt për në Itali.
Që nga janari, të paktën 64 njerëz kanë vdekur në Mesdheun lindor, sipas Organizatës Ndërkombëtare për Migracionin (IOM).
NDIQE LIVE "PANORAMA TV" © Panorama.al
