“Me durimin e sinqeritetin e tyre, kanë sfiduar prej një jave, arrogancën qeverisëse, dhunën verbale të përfaqësuesve vendorë e paaftësinë e papërgjegjshmërinë e Ministres së arsimit. Revolta e tyre është mësim dhe apel që i bëhet shoqërisë për të reaguar ndaj padrejtësisë, harbutërisë e makutërisë së pushtetit”, kështu shprehet deputeti demokrat Luçiano Boçi, ndërsa ka postuar disa foto e video në profilin e tij të Facebook-ut.
Në këto pamje, shihen disa fëmijë të shkollës Mengël në Elbasan, teksa protestojnë për të ndjekur procesin mësimor, pas mbylljes së kësaj shkolle pasi u cilësua si e papërshtashme për mësim pasi është e amortizuar.
Postimi i plotë i Boçit:
LEKSION DEMOKRACIE… që vjen nga nxënësit e prindërit e shkollës Mengël.
Me durimin e sinqeritetin e tyre, kanë sfiduar prej një jave, arrogancën qeverisëse, dhunën verbale të përfaqësuesve vendorë e paaftësinë e papërgjegjshmërinë e Ministres së arsimit.
Revolta e tyre është mësim dhe apel që i bëhet shoqërisë për të reaguar ndaj padrejtësisë, harbutërisë e makutërisë së pushtetit.
Pavarësisht su duan t’i lodhin në revoltën e tyre duke i shpërfillur, duke i hedhur në rrugë të madhe, duke mos i mbajtur me forcë larg oborrit të shkollēs, ata kanë vazhduar me moton e vizatuar “DUAM SHKOLLËN”
Kanë bllukuar përsëri rrugën nacionale që dikush t’i dëgjojë dhe t’i japë të drejtën e arsimit.
Por s’paska turp në botë që të skuqë sado pak ndërgjegjen e pushtetit të zhytur në llum e të zverdhur nga paniku i rrëzimit.
DUAM SHKOLLËN…është vetëm fillimi!
