Nxënësit e shkollës së mesme “Mehmet Akif” e cila u mbyll me vendim të qeverisë disa ditë më parë, kanë dalë sërish në protestë pasditen e sotme përpara Kryeministrisë.
Të shoqëruar nga prindërit, ata prej orës 18:30 qëndrojnë përpara godinës së Kryeministrisë, duke kërkuar drejtësi. Ata e cilësojnë akt të paligjshëm mbylljen e shkollës.
“Ëndrrat tona, s’janë teka fëminore”, “Pse na lini në baltë e s’na përkrahni”, “Arsimi ynë, prioriteti juaj” dhe “Ne nuk heqim dorë”, ishin disa nga mesazhet që mbuluan për disa minuta sipërfaqen e murit ku ndodhet edhe zyra e kryeministri Rama.
