Mbreti i Jordanisë: Erdogani dërgon terroristë në Evropë, pyesni Nishanin dhe Jahjagën për të

Mar 26, 2016 | 7:39
SHPËRNDAJE

Mbreti i Jordanisë ka akuzuar Turqinë se, ka eksportuar terroristë në Evropë. Mbreti Abdullah ka deklaruar, kriza e madhe e refugjatëve nuk ishte një aksident ashtu si dhe prezenca e terroristëve mes tyre.

Jordan’s King Abdullah II (L) shakes hands with Turkey's Prime Minister Recep Tayyip Erdogan prior to a meeting on March 6, 2013 in Ankara. The Jordanian king on March 6 is to visit Turkish businessmen and defence industry facilities in the Turkish capital Ankara. AFP PHOTO / KAYHAN OZER / TURKISH PRIME MINISTER PRESS OFFICE RESTRICTED TO EDITORIAL USE - MANDATORY CREDIT "AFP PHOTO / KAYHAN OZER / TURKISH PRIME MINISTER PRESS OFFICE " - NO MARKETING NO ADVERTISING CAMPAIGNS - DISTRIBUTED AS A SERVICE TO CLIENTS / AFP / TURKISH PRIME MINISTER'S OFFICE / KAYHAN OZER

“Është fakt që terroristët po shkojnë në Evropë si pjesë e politikave të Turqisë”, është shprehur ai. I pyetur për faktin nëse ISIS po eksporton naftë në Turqi, Abdullah tha se kjo është e vërtetë absolute.

Kjo deklaratë e mbretit të Jordanisë në fakt është bërë më 11 janar gjatë një takimi në Kongresin amerikan, raporton “MiddleEastEye”, që mbulon zhvillimet në Lindjen e Mesme. Madje ai ka shpjeguar dhe motivet pse presidenti turk Erdogan po e bën një gjë të tillë.

Abdullah tha se Erdogan beson se “islami radikal është zgjidhje për rajonin”. Sipas tij Turqia jo vetëm mbështet grupet radikale në Siri, por edhe ka mbështetur grupe të tilla në Libi dhe Somali. Abdullah pretendon se “radikalizmi është prodhuar në Turqi” dhe pyeti kongresmenët pse Turqia po stërvit ushtrin e Somalisë.

Madje, ai ka ftuar politikanët amerikanë që të pyesin presidentët e Kosovës dhe Shqipërisë çfarë mendojnë për Turqinë. Sipas tij, Shqipëri dhe Kosova po i luten Evropës t’i bëjë pjesë të saj, para se Erdogani ta bëjë këtë.

presidenti-nishani-mbreti-jordanise-2

Kjo është mbështetur dhe nga ministri i tij i Jashtëm. Nasser Judeh, i cili tha se presidenti i Shqipërisë është katolik i martuar me grua myslimane dhe ky është një model që duhet mbrojtur në një vend me shumicë myslimane.

Më tej, Judeh tha se kur Rusia nisi fushatën e bombardimeve në Siri parandaloi Turqinë që të krijonte një zonë të sigurt në veri të Sirisë për të ndaluar refugjatët që të hynin në territorin e saj. Pas kësaj, Turqia vërshoi refugjatët drejt Evropës.

Ministri i Jashtëm kundërshtoi dhe marrëveshjen e BE-së me Turqinë, e cila ka vetëm 2 milionë refugjatë sirianë, ndërsa në proporcion me popullsinë Jordani ka një numër më të madh.

Jordania dhe Turqia janë zyrtarisht aleatë. Kryeministri turk, Ahmed Davuoglu anuloi vizitën në Jordani pas një sulmi me bomba ku u vranë 34 persona në Ankara.

Qeveria turke nuk ka komentuar zyrtarisht deklaratën e Abdullah, por një zyrtar i saj ka akuzuar mbretin e Jordanisë se po bëhet “zëdhënës i Bashar al-Assad”.

Abdullah

Nuk dihet arsyet dhe qëllimi i deklaratës së Mbretit të Jordanisë, i cili në maj të vitit 2015, Abdullah zhvilloi një vizitë në Tiranë, ndërsa në nëntor ishte në Kosovë.

Ndërkohë, kryeministri i Shqipërisë Edi Rama duke folur për sulmet në Bruksel në një intervistë për Mustafa Nanon tha se, “myslimanët shqiptarë janë një aset i madh, i vyer i Europës” dhe më tej shtoi se “fatmirësisht kemi sot shumë më tepër aleatë se ç’kemi pasur pak kohë më parë lidhur me këtë fakt”.

“Mbreti i Jordanisë, mik i madh dhe këtë e them vërtet, i shqiptarëve, është një person që bën avokatinë e shqiptarëve kudo, në një takim të fundit që patëm, tha një shprehje shumë të bukur: Shqiptarët janë myslimanët tuaj dhe këtë ja tha disa përfaqësuesve të BE-së. Shqiptarët janë myslimanët tuaj, bëni më të mirën për ta sepse nuk i duhen vetëm Europës, por i duhen gjithë botës për të treguar se në fakt problem nuk janë myslimanët, problem janë elementët radikalë brenda bashkësisë myslimane”, tha Rama.

 

NDIQE LIVE "PANORAMA TV" © Panorama.al

Te lidhura