UPDATE/ Zëvëndëskryeministri dhe njëherësh ministri i Punëve të Jashtme i Kosovës, Hashim Thaçi, ka thënë se Kosova do të padisë shtetin serb për gjenocidin e kryer në Kosovë.
“Kosova do të padisë Serbinë për gjenocidin e kryer tek ne”, ka thënë Thaçi, pas takimit me ministrin e Punëve të Jashtme të Shqipërisë, Ditmir Bushati, raporton “Indeksi”.
“Kosova nuk ka dashur formin e Gjykatës Ndërkombëtare, ishin të interesuar dhe ne do të dalim fitues sikurse në Hagë. Shpresojmë se kjo çështje të mbyllet shumë shpejt”, vijuar ai.
Thaçi ka thënë se bashkëpunimi bilateral mes Kosovës dhe Shqipërisë do të jetë më efektiv në të ardhmen. Në takimin e përbashkët që do të mbahet më 23 mars Thaçi tha se do të rriten bashkëpunimet politike, shoqërore dhe në fusha tjera mes Kosovës dhe Shqipërisë, raporton “Exspress-i”.
Ndërsa ministri i Punëve të Jashtme i Shqipërisë, Ditmir Bushati ka shprehur mirënjohjen për bashkëpunimin që e ka Shqipëria me Kosovën, si për atë ekonomik ashtu edhe atë për atë politik. Ai tha se inkurajon qeverinë e re të Kosovës që të vazhdojë ta përmbyll procesin e liberalizimit të vizave.
Bushati tha se Shqipëria do ta ndihmojë Kosovën në përpjekjet e saj për integrimet evropiane, liberalizimit të vizave dhe anëtarësimin në NATO. Ministri ynë i Jashtëm tha se Shqipëria mbështet qëndrimet e Prishtinës se Gjykata Speciale për krimet e luftës është e padrejtë për Kosovën.
Ai më tej tha se kanë biseduar edhe për bashkëpunim mes dy vendeve në fushën e sigurisë.
Ministri i Punëve të Jashtme të Shqipërisë, Ditmir Bushati po zhvillon sot një vizitë zyrtare në Kosovë. Shkak i vizites mesohet te jene koordinimet e nevojshme rreth mbledhjes së dy qeverive, asaj të Kosovës dhe të Shqipërisë, e cila do të mbahet më 23 mars.
Për të parë se deri ku kanë arritur në realizimin e objektivave të caktuara në mbledhjen e kaluar, Bushati do të takohet edhe me kryeministrin e Kosovës Isa Mustafa dhe presidenten e Kosovës Atifete Jahjaga.
Bushati do të ketë një takim edhe me kreun e Aleancës për Ardhmërinë e Kosovës, Ramush Haradinaj, raporton “Telegrafi”.
NDIQE LIVE "PANORAMA TV" © Panorama.al
