Pas vdekjes së dy foshnjave 5-muajsh, ka reaguar Shefi i Repartit të Pediatrisë në Spitalin Rajonal të Beratit,Vladimir Kumaraku.
Kumaraku deklaron se të dy foshnjat binjakë mbërritën në Pediatrinë e Beratit pa shenja jete.
“Ata mbërritën me prindërit rreth orës 10:00 dhe pasi konstatova se ishin të vdekur, njoftova menjëherë policinë dhe morgun. I mbajtëm në repart deri në mbërritjen e policisë dhe më pas i çuam drejt morgut për të bërë analizat dhe autopsinë”-ka thënë Vladimir Kumaraku, për News 24.
I tronditur në lidhje me ngjarjen dhe duke deklaruar se, foshnjat nuk kanë pasur probleme me shëndetin apo virozat së fundmi, Kumaraku deklaron se për të vdekja e foshnjave mbetet një mister.
NDIQE LIVE "PANORAMA TV" © Panorama.al