Enrique Iglesias dhe Anna Kournikova u bënë prindër për herë të tretë.
Dhe çifti i famshëm më në fund kanë konfirmuar lajmin duke na prezantuar me të porsalindurën.
Anna solli në jetë një vajzë dhe këngëtari publikoi foton nga materniteti duke shkruar: “Rrezja ime e diellit.”
Ndërsa zbuloi se vajza lindi më 30 janar.
Çifti janë prindër edhe të binjakëve 2-vjeçarë Lucy dhe Nicholas.
Edhe ylli i tenisit publikoi një foto në Instagram duke mbajtur vogëlushen në kraharor dhe duke e përqafuar.
Çifti janë bashkë që nga viti 2001. Ata e mbajtën të fshehtë shtatzëninë e Annës derisa ajo u fotografua disa javë më parë me barkun e rrumbullakosur në varkë.
Ishte vëllai i këngëtarit që zbuloi lajmin e ardhjes në jetë të foshnjës duke pranuar që ishte bërë xhaxha.
