Shpresat e Alban Bushit mposhtën Kosovën U-21 me rezultatin 2-1 në sfidën e zhvilluar në “Elbasan Arena” të vlefshme për kualifikueset e Europianit të 21-vjeçarit. Golat e Tafës dhe Muçollit i dhuruan fitoren Shqipërisë, që bindi me lojën e saj, kryesisht në pjesën e parë.
Pavarësisht se nuk shënoi, sulmuesi Armand Broja ishte një nga më të mirët në fushë, shtatlarti i cili aktivizohet tek akademia e Çelsit, ka marrë elozhe nga trajneri kosovar Ismet Munishi, i cili është mahnitur me lojën e sulmuesit shqiptar, duke deklaruar:
“Armando Broja është një lojtar i jashtëzakonshëm. Ai kishte hapin e mirë, teknikën e mirë. Ishte lojtarë i shkolluar. Le ta mbajë mend opinioni këtë futbollist pasi që do të bëhet super-yll”, u shpreh Munishi për RTK-në pas ndeshjes.
PANORAMASPORT.AL
NDIQE LIVE "PANORAMA TV" © Panorama.al
