Janë bërë sot publike nga Bashkia e Tiranës paketa e penaliteteve për të gjithë ata qytetarë dhe biznese që dëmtojnë, zaptojnë apo ndotin ambientet e përbashkëta të kryeqytetit.
Masat konkrete për çdo shkelje i prezantoi vetë kryetari i Bashkisë së Tiranës, Erion Veliaj, gjatë një takimi që zhvilloi sot me 24 administratorët e njësive të Tiranës. Në total janë 7 masa që kërkojnë jo vetëm të zhdëmtojnë pronën e dëmtuar, por edhe të ndërgjegjësojnë qytetarët për respektimin e rregullit dhe ligjit në jetën e përditshme në komunitet.
7 masat për një qytet të pastër janë:
- Hedhja e mbeturinave në rrugë ose jashtë kontenierëve – 5.000 lekë
- Kryerje e punimeve pa leje – 500.000 lekë + shpenzimet e prishjes
- Shfrytëzimi i paligjshëmi hapësirave publike – 20.000 lekë + 300 lekë/m2
- Vandalizimi i pronës publike me: 20.000 lekë
- dëmtim, bllokim, vjedhje pusete;
- urinim/pështyrje/grafiti në rrugë;
- dëmtim i shtyllave të ndriçimit/ndriçuesve;
- dëmtim pemësh
Kompanitë e përmbarimit do të kontraktohen për zbatimin e këtyre masave. Sakaq, paratë që do të vilen nga gjobat do të shkojnë për gjelbërimin e hapësirave publike.
NDIQE LIVE "PANORAMA TV"
© Panorama.al
