Ngjarja e rëndë që ndodhi sot në Selenicë të Vlorës, ku një 24 vjeçar, Ritvan Zykaj, ka shtënë me armë mbi disa familjarë të tij, kushërinj të dytë, duke i lënë të vdekur 8 prej tyre, i ka tronditur të gjithë.
Ende nuk dihet se cili ka qenë shkaku që i riu ka vrarë të afërmit e tij, por nga burime për “Panorama” mësohet se para dy javësh, Ritvani ishte dhunuar nga një prej të afërmve të tij, që nuk dihet nëse është pjesë e viktimave, dhe kishte përfunduar me lëndime të shumta në spital.
Kjo është arsyeja që dyshohet se është bërë shkak për ndërmarrjen e kësaj vepre kaq të rëndë, ku janë ekzekutuar 8 persona, disa prej tyre prej një familjeje, ndërsa të gjithë kanë qenë të afërm me njëri-tjetrin dhe autorin.
NDIQE LIVE "PANORAMA TV" © Panorama.al
