Marsel Rupi: Humoristi në rolin e gazetarit, çfarë më rrëfejnë deputetët kur zbresin nga makinat luksoze

0
SHPËRNDAJE

Për herë të parë një treshe djemsh në ekran, të cilët hedhin dhe presin batuta për politikën dhe politikanët që na drejtojnë apo deputetët që kalojnë ligje në Kuvend. Marsel Rupi, Ervin Bejleri dhe Mateo Çela janë në studion e emisionit të ri “Kolaudim”, për të parë me sy vëzhgues e kritik gjithçka që politikanët përpiqen të na hedhin hi syve, apo rastet kur duan t’ia hedhin pa u lagur.

Dëshmitari me mikrofon në dorë në oborrin kuvendor, kësaj here në rolin e gazetarit, është Marsel Rupi, i cili në spektaklin “Portokalli” u identifikua si imituesi identik i kryetarit të Bashkisë, Erion Veliaj.

Për zhveshjen nga luksi të politikanëve që zbresin nga makinat e shtrenjta dhe gjithçka sheh me sytë e tij nga afër, Marseli i rrëfen në këtë intervistë të tij të parë për gazetën “Panorama”.

Pa një periudhe pauzë në ekran, të shohim mbrëmjeve në “In TV” me programin e ri “Kolaudim”. Si do ta zbërtheje këtë fjalë në aspektin shpirtëror, atë social dhe politik për ty si artist që jeton në Shqipëri?

Për sa i përket pyetjes, në aspektin shpirtëror unë ndihem i lumtur që jam pjesë e “In TV” dhe sidomos pjesë e programit “Kolaudim”, pasi të kolaudosh Shqipërinë pa e mbyllur një sy apo të dy sytë (siç rëndom ndodh në kolaudimet që shteti bën), do të thotë të jesh shumë më pranë shqiptareve në problematikat e tyre të përditshme. Kjo vlen akoma më shumë nga ana sociale, pasi “kolaudimi” ka si mision t’i heqë kollaret, këpucët lustrafin dhe të zbresë nga makina e luksit çdo përgjegjës për hallet e këtij vendi, dhe t’i vendosë ata përballë shqiptarëve. Ndërsa në aspektin politik të fjalës do të thosha se artisti nga vetë natyra e tij është opozitar. Me dëshirë do të doja të mos merresha fare me politikë, por siç thotë një shprehje, “edhe nëse ti nuk merresh me politikë, politika do të merret me ty”, atëherë kemi vendosur ta kolaudojmë këtë politikë, së cilës qejfi do t’ia kishte “t’ia hidhte pa u lagur”.

Intervisten e lexoni ne Panorama Plus:

http://www.panorama.com.al/panoramaplus/marsel-rupi-humoristi-ne-rolin-e-gazetarit-cfare-me-rrefejne-deputetet-kur-zbresin-nga-makinat-luksoze/

Te lidhura

 

Artikulli paraprak‘Do martohem me shqiptare’, Lorik Cana rrëfen dashurinë me gruan italiane
Artikulli tjetër"Seksi me shoqen e dhomës më çmend, por ajo më thotë që nuk duhet të..."

S'KA KOMENTE

Comments are closed.