Rei Manaj ka vendosur. Sulmuesi duket se ka rënë dakord me drejtuesit e Peskarës të cilët brenda ditës së martë kanë nxituar për ta huazuar pranë klubit.
Gazetari italian Xhanluka di Marzio shkruan në portalin e tij për një marrëveshje të arritur në orët e fundit, por që mungon vetëm firma e Manajt.
Më herët, pas publikimit të lajmit nga gazeta më e madhe sportive në Itali “Gazzetta dello Sport”, se gjermanët e Eintraht Frankfurtit dhe spanjollët e Sporting Gijonit kishin shfaqur interes për Manajn, një tjetër klub nga Seria A kërkoi kartonin e tij.
Po kjo e përditshme tha në rubrikën e merkatos se drejtuesit e Peskarës kanë nisur sot kontaktet me zikaltrit e Interit dhe përfaqësues të futbollistit.
Marrëveshja e huazimit të sulmuesit pritej të mbyllej gjatë darkës. Peskara u ngjit sezonin që kaloi nga Seria B, në Serinë A dhe klubi ka nisur një fushatë përforcimesh për përballjen me më të mëdhenjtë.
NDIQE LIVE "PANORAMA TV" © Panorama.al
