UPDATE/ Një aksident i rëndë është regjistruar mbrëmjen e kësaj të diele në aksin nacional Pogradec-Korçë, në afërsi të fshatit Buçimas.
Policia njofton se një mjet ka përplasur një 48-vjeçar dhe për pasojë i plagosuri me iniciale P. Gj., ka ndërruar jetë. Autori i ngjarjes është larguar nga vendngjarja dhe policia është vënë në ndjekje të tij.
Ndërkohë janë duke vijuar hetimet për zbardhjen e plotë të shkaqeve të aksidentit.
Pogradec/Informacion paraprak
Më datë 24.01.2021, rreth orës 21:40, në aksin rrugor Korçë-Pogradec, në afërsi të fshatit Buçimas, Pogradec, një automjet dyshohet se ka aksidentuar këmbësorin shtetasin P. Gj., rreth 48 vjeç, banues në Pogradec, i cili për pasojë ka gjetur vdekjen.
Nga ana e Policisë, po punohet për identifikimin dhe kapjen e drejtuesit të mjetit, i cili është larguar nga vendi i ngjarjes.
Grupi hetimor po punon për dokumentimin e ngjarjes dhe zbardhjen e rrethanave të saj.
