Gjithmonë është shquar për elegancën dhe vazhdon të jetë po njësoj. Deputetja e Partisë Demokratike, Majlinda Bregu, na prezanton linjat nga plazhi i Dhërmiut.
“Panorama Plus” shkruan sot se 41-vjeçarja e njohur e politikës ka qenë këto ditë të nxehta gushti duke pushuar me familjarët e saj, ku është fotografuar ndërsa argëtohej me ta, merrte rreze dielli, apo bënte not në det. 
Fotot janë shkrepur nga persona të rastësishëm që po merrnin rreze në të njëjtin plazh, e që më pas ia ofruan gazetës për botim.
Me bikini në stil elegant, Bregu duket vërtet këndshëm. Ish-ministrja e Integrimit Europian është nënë e dy fëmijëve dhe ka një trup të tonifikuar. 
Jo vetëm ritmi i punës në lëvizje, por edhe kujdesi për ushqimin e trajtimet estetike e bëjnë të duket në formë dhe sharmante.
Sezoni veror është stina kur njerëzit e politikës zhvishen jo vetëm nga kostumi, por edhe nga serioziteti i punës, për të shijuar momentet e relaksit në det pranë familjes.
PANORAMA PLUS
